ලෝකය ගැන ---
ඔබත් මමත් ජිවත් වන ලෝකය සැකසුනේ කෙසේද. නවින විද්‍යාවට අනුව විවිධ වු මත අනුමාන තිබුනත් ජිවත් විමට හැකි පරිසරයක් සහිත ඉර හද තාරකා ග්‍රහලොක සමන්විත ලෝකයක් සැකසුවේ ඔබත් මමත් අනන්ත සංසාරයයේ බලාපොරොත්තු සහගතව ඇති කරන ලද සිත් වලින් යැයි කිවොත් පිලිගත හැකිද.
මොහොතක් පාසා සත්වයන් විසින් ආශාවල් ප්‍රර්තනා ඇලිම් සහිතව නිමානොවන බලාපොරොත්තු සමුහයක් ඉටුකරගැනීමට සිහින මවනවා.. මේ සිහින සිතුවිලි ලෙස මනස තුල ක්‍රියාත්මක වෙමින් බල ගැන්වෙනවා. ඒවා කෙසේ හෝ ලබාගැනීමට කය වචනය ක්‍රියාත්මක කරනවා.
සිත කය වචනය යන තුන්දොර ක්‍රියාත්මක කිරිම කාර කිරිම ලේසත් ඒවා ආශා(රාග) සහගත දේවේශ සහගත මෝහ සහගත ලෙස ක්‍රියා කරවන විට සංකාර ලෙසත් හදුන්වනවා. සංකාර ලොවට ඇලෙන සසර ගමන ගෙනියන සිත් ගොඩනගමින් නොනවතින ගමනක ඔබත් මාත් රුගෙන යනවා..
නිවන බලාපොරොත්තු වන සත්වයා තම සිත කය වචනය සංවර කරගන්නා ලෙස ඉතා සරලව බුදු පියාණන් වහන්සේ ලෝක සත්වයාට දේශනා කලේ ලෝක පැවැත්මෙන් ඉවත් වීමේ ආරම්බය එය නිසායි. (ඉන්ද්‍රිය සංවරය)
සංවර යන වචනය ඉතා සරලව පෙනුනත් එහි ඉතා ගැඹුරු අරුතක් ගැබ්ව තිබෙනවා..
සංකාර විම නැවැත්විමට නම් සංවර වියයුතුයි..
බුදු දහමේ සංකාර (සංඛාර) ත් තවත් කොටස් තුනකට බොදා පෙන්වනවා.. එවා පසුව වටහා ගන්න.
සංවර වීමමයි සීලය... සික්ෂාපද රැකිම සංවර විමට අනුබලයක්. එහෙත් අවබෝදයෙන් සංවර වු විට නිරායාසයෙන්ම සිලය පුර්නය වෙනවා.. එහෙමනම් තවත් විදිහකට ආර්ය සිලය වන්නේ සංවර විමයි.. නිවනේ ආරම්බය සිලය ලෙස හදුන්වන්නේත් ඒනිසයි.. අද අපි කරන පෝයට සිල් ගැනිම නොවෙයි. සසර ගමනට බියනම් සංවර වන්න.
සංකාරයන් ඉහත දැක්වු ආකාරයට තේරුම් ගත්විට රාගයෙන් ද්වේශයෙන් මොහයෙන් යුතුව සිත කය වචනය මෙහෙයෙවිමෙන් මානෝ සංකාර වචී සංකාර සහ කාය සංකාර ගොඩනැගෙනවා.. සංකාර හේතුවෙන් සිත් ගොඩනැගෙනවා..එසේ ගොඩ නැගෙන සිතක් අතිශයන් ප්‍රබලයි..එහි ජිව කාලය ඔබත් මමත් සසර වසනා තුරු පැවතිය හැකියි. ලොව නොපෙනෙන ප්‍රබල බලවේගය ඔබත් මමත් ලොවට මුදාහල එම සිත් සහ සතුවිලියි. දැන් ඔබට නිකමට හෝ වැටහේවි ගෙවෙන මොහාතක් පසා අපි විසින් කරනා කර්ම අප වෙතම කරුමක් ලෙසින් ඇදි එන්නේ කෙසේද කියා.
බුදු පියාණන් වහන්සේ ලෝකය හැදුන්වුයේ කෙසේද. යමෙකුට ලෝකය හදුනාගන්නට අවැසි නම් තමාව හදුනාගන්නට .. නැතිනම් ඹබයක් පමන වු තම ශරිරයෙන් ලොව හදුනාගන්නයැයි දේශනා කර තිබෙනවා. මෙහි සරල අරුතට යටින් ගැඹුරු දහමක් තිබෙනවා. අනන්ත සසරේ බලාපොරොත්තු සහගතව ගොඩනාගාගත් සංකාරයන්ගේ හේතුවෙන් සත්වයන්ට ආයතන හයක් නිර්මානය වෙනවා . මේ ආයතන හය පසිඳුරන් සහ මනසයි.
එක් සරල ක්‍රමයකට ලෝකය යනු පසිදඳුරන්, මනස හා එයට අරමුනු වල දේවල් කිවොත්.........එයින් එහා තවත් ඉතිරි වන දෙයක් ලෝකයේ තිබෙනවා යැයි ඔබට කිව හැකිද. ආයතන හයත් එයට අරමුනු වන දේත් හැර කිසිවක් ලොකයයැයි පනවන්නට බැහැ..
දැන් බලමු මොනවද මේ ආයතන හය සහ එයට ගොදුරුවන අරමුනු ...
ඇස..... ඇසට ගොදුරුවන අරමුන රූප
කන.... කනට ගොදුරුවන අරමුන ශබ්ද
නාසය.... නාසයට ගොදුරුවන අරමුන ගන්ධ(ගද සුවද
දිව...... දිවට ගොදුරුවන අරමුන රස
ශරීරය.... ශරීරයට ගොදුරුවන අරමුන ස්පර්ශ
මනස..... මනට ගොදුරුවන අරමුන ධර්ම (ඉහත පසිඳුරන් ගෙන් ගත් අරමුනු වල අරුපී ගතිය )
ලෝකය යනු මේයනම් ලෝකය ගොඩනැගුවේ ඔබත් මමත් නම් සසර ගමන ට හේතුවන්නේ ලොකයට ඇති ඇලිමනම් මේ ලෝකය ගොඩනැගිම නැවැත්වීමටත් සසර ගමන නවතා ගැනිමටත් හැකියාව ඇති එකම තැනැත්තා ඔබත් මමත්මයි.. ඒ සදහා අපට මුලිකව ප්‍රඥාව නැතත් සියළු ඥානයන්ගෙන් පරිපුරුනවු සර්වඥ වු අප සම්මා සම්බුදු පියානන් වහන්සේ ඉතා සරලව පැහැදිලිව ඒ මඟ අපට පෙන්වා දි තිබෙනවා.
අද ඒ පැහැදිලි මග අන්ං මනං වැල් වටාරම් වලින් අවුල් කර වසා දමා ගැඹරු කර පෙන්වුවත් වටහා ගැනිමට ඇති දෙය යම් මොහොතක සරලව වටහා ගත් විට සියළු දුකින් නිදහස් වන මඟ අනුගමනය කර නිවනේ නිරාමිස සැප විදින්නට ඔබටත් මටත් හැකිවේවි..
සබ්බේ සත්තා බවන්තු සුඛිතත්තා...
සියළු සත්වයෝ නිවනින්ම සැනසෙත්වා..............
www.lankadanweempituwa.com
No comments:
Post a Comment